Pookyjoralyn: Initial creation

2014-09-16T08:38:20Z

Initial creation

New page

ក្នុងមេរៀននេះ យើងនឹងសិក្សាពី'''<big>ពាក្យសម្គាល់កម្មបទ</big>'''។ ដូចដែលយើងបាននិយាយប៉ុន្មានដងក្នុងមេរៀនរបស់យើងមកហើយ ក្នុងភាសាកូរ៉េមានពាក្យសម្គាល់ខាងចុងជាច្រើនប្រភេទ ហើយពួកវាទាំងនេះ(ពាក្យសម្គាល់ប្រធានប្រយោគ ប្រធានបទ ទីតាំង ៘) ធ្វើឲងាយស្រួលយល់ប្រយោគភាសាកូរ៉េ ទោះបីជាលំដាប់ពាក្យត្រូវបានប្តូរក៏ដោយ។

ប៉ុន្តែជារឿយៗ នៅពេលដែលន័យរបស់ប្រយោគមួយនៅតែច្បាស់ដោយមិនប្រើពាក្យសម្គាល់ណាមួយ អ្នកនិយាយភាសាកូរ៉េចូលចិត្តមិននិយាយវា។ ដូចច្បាប់ជាច្រើនទៀតក្នុងការនិយាយភាសាកូរ៉េដែរ វាសម្រាប់ងាយស្រួលនិយាយ និងធ្វើឲប្រយោគខ្លីជាងមុនផងដែរ។

មកដល់ពេលនេះ យើងបានរៀនពីកិរិយាស័ព្ទជាច្រើន។ កិរិយាស័ព្ទអាចត្រូវបានបែងចែកជាកិរិយាស័ព្ទសកម្ម (កិរិយាស័ព្ទដែលត្រូវការកម្មបទ) និងកិរិយាស័ព្ទអកម្ម (កិរិយាស័ព្ទដែលមិនត្រូវការកម្មបទ) ហើយក្នុងភាសាអង់គ្លេស ភាពខុសគ្នានេះបង្ហាញមកយ៉ាងច្បាស់ ព្រោះថាទោះបីជានាមមួយត្រូវបានសំដៅទៅច្រើនដងក៏ដោយ (ឧ៖ "Did you find your wallet? / Yes, I found it.") អ្នកមិនអាចបំបាត់ផ្នែកដែលសំដៅលើ the wallet ទេ អ្នកត្រូវតែទុកវាដដែលដោយនិយាយថា it ជំនួសឲ the wallet ។

ប៉ុន្តែក្នុងភាសាកូរ៉េវិញ ដោយសារការសន្ទនាខ្លីដូចខាងលើអាចធ្វើឡើងដូចនេះ "'''지갑 찾았어요?'''" (ន័យត្រង់៖ កាបូបលុយបានរកឃើញទេ?) / "'''네. 찾았어요.'''" (ន័យត្រង់៖ បាទ/ចា៎, បានរកឃើញ។) ភាពខុសគ្នារវាងកិរិយាស័ព្ទសកម្ម និងអកម្មមិនបង្ហាញយ៉ាងច្បាស់ដូចភាសាអង់គ្លេស និងភាសាជាច្រើនទៀតទេ។

ហើយនេះជាកន្លែងដែលពាក្យសម្គាល់កម្មបទមានតួនាទី។

'''<big><big>ពាក្យសម្គាល់កម្មបទ៖</big></big>'''

'''<big>을</big>''' [អ៊ឺល] - ប្រើពីក្រោយនាមដែលបញ្ចប់ដោយ'''ព្យញ្ជនៈ''' 
'''<big>를</big>''' [រ៊ឺល] - ប្រើពីក្រោយនាមដែលបញ្ចប់ដោយ'''ស្រៈ'''

'''<big><big>តើពាក្យសម្គាល់កម្មបទធ្វើអ្វីទៅ?</big></big>'''

ក្នុងភាសាខ្មែរ បើអ្នកសរសេរថា "ផ្លែប៉ោមមួយ" ហើយមិនសរសេរកិរិយាស័ព្ទដែលទៅជាមួយវា អ្នកមិនអាចដឹងវាមាននាទីអ្វីក្នុងប្រយោគទេ។

ប៉ុន្តែក្នុងភាសាកូរ៉េ ទោះបីជាអ្នកមិននិយាយរឺសរសេរកិរិយាស័ព្ទក៏ដោយ អ្នកអាចបង្ហាញពីនាទីរបស់នាម រឺសព្វនាមតាំងពីមុនអ្នកនិយាយកិរិយាស័ព្ទ ដោយគ្រាន់តែបន្ថែមពាក្យសម្គាល់ខាងចុងត្រឹមត្រូវ។

"ផ្លែប៉ោមមួយ" - ជាភាសាខ្មែរ វាគ្មាននាទីច្បាស់លាស់ទេ។

"사과" - ជាភាសាកូរ៉េ ក៏គ្មាននាទីច្បាស់លាស់ដែរ។

"'''사과를'''" - ទោះបីជាអ្នកមិននិយាយកិរិយាស័ព្ទក៏ដោយ អ្នកដឹងថា 사과 នឹងធ្វើជា'''កម្មបទ'''របស់កិរិយាស័ព្ទ។

ដូច្នេះអ្នកអាចស្មានកិរិយាស័ព្ទបានមួយចំនួន - "ញ៉ាំផ្លែប៉ោម, ទិញផ្លែប៉ោម, លក់ផ្លែប៉ោម, រកផ្លែប៉ោម, គប់ផ្លែប៉ោម, គូសផ្លែប៉ោម ៘)"។

"'''사과가'''"- អ្នកដឹងថា នឹងធ្វើជា'''ប្រធាន'''របស់កិរិយាស័ព្ទ។

ក្នុងនេះ អ្នកក៏អាចស្មានកិរិយាស័ព្ទបានដែរ - "ផ្លែប៉ោមល្អ, អាក្រក់, ថ្លៃ, នឹងធំ, តូច, អាចនឹងល្អសម្រាប់សុខភាព ៘"។

"'''사과는'''" - អ្នកដឹងថាអ្នកនិយាយនឹងនិយាយអ្វីមួយអំពី 사과 ធៀបនឹងអ្វីផ្សេងទៀត រឺលើកប្រធានបទ 사과 ជាលើកដំបូង។

'''<big><big>វិធីបំបាត់ពាក្យសម្គាល់កម្មបទ</big></big>'''

វាពិតជាមិនទំនងទេ បើអ្នកចង់បកប្រែ "តើអ្នកបានធ្វើអ្វីម្សិលមិញ?" ដោយត្រង់ ដោយប្រើធាតុទាំងអស់ជាភាសាកូរ៉េ។

'''= "어제''' <ឈ្មោះរបស់ម្នាក់ទៀត> '''씨는 뭐를 했어요?"'''

ដូចនេះ ដរាបណាអ្នកកំពុងនិយាយពីមនុស្សទីបី អ្នកមិនចាំបាច់និយាយឈ្មោះរបស់ម្នាក់ទៀតទេ ដូចនេះវាក្លាយជា

'''= "어제 뭐를 했어요?"'''

ហើយដោយសារវាច្បាស់ហើយថា "뭐" (= អ្វី) មិនមែនជាប្រធានប្រយោគ (ជាមនុស្សដែលធ្វើអ្វី មិនមែនផ្ទុយពីនេះទេ) អ្នកអាចបំបាត់ 를 បាន។

'''= "어제 뭐 했어요?"'''

'''<big><big>ពេលណាទើបអ្នកត្រូវប្រើពាក្យសម្គាល់កម្មបទទៅ?</big></big>'''

អ្នកត្រូវប្រើវាពេលអ្នកចង់បញ្ជាក់ឲច្បាស់ពីទំនាក់់ទំនងរវាងកម្មបទនិងកិរិយាស័ព្ទ។ វាងាយស្រួលទេពេលកម្មបទនិងកិរិយាស័ព្ទនៅជិតគ្នា អ្នកអាចដាក់ក៏បាន រឺអត់ក៏បាន វាគ្មានភាពខុសគ្នាធំដុំអ្វីទេ។ ប៉ុន្តែពេលពាក្យកម្មបទនៅឆ្ងាយពីកិរិយាស័ព្ទ ទំនាក់ទំនងរវាងពាក្យទាំងនេះមិនច្បាស់ទេ ដូច្នេះអ្នកត្រូវប្រើពាក្យសម្គាល់នានា ដើម្បីឲមានន័យច្បាស់។

'''텔레비전 봐요.''' = ខ្ញុំមើលទូរទស្សន៍។
↓
'''텔레비전 봐요?''' = តើអ្នកមើលទូរទស្សន៍ទេ?
↓
'''텔레비전 자주 봐요?''' = តើអ្នកមើលទូរទស្សន៍ញឹកញាប់ទេ?
↓
'''텔레비전(을) 일주일에 몇 번 봐요?''' = តើអ្នកមើលទូរទស្សន៍ប៉ុន្មានដងក្នុងមួយសប្តាហ៍?

ពេលកម្មបទរបស់ប្រយោគ (텔레비전) ឃ្លាតកាន់តែឆ្ងាយពីកិរិយាស័ព្ទ (봐요) ទៅ អ្នកត្រូវបញ្ជាក់ទំនាក់ទំនងរបស់ពាក្យទាំងពីរដោយប្រើពាក្យសម្គាល់កម្មបទ។

{{TTMIK bottom km}}

TTMIK កម្រិតទី 2 មេរៀនទី 2 - Revision history

Pookyjoralyn: Initial creation