TTMIK កម្រិតទី 1 មេរៀនទី 17
នៅមេរៀនមុន យើងបានរៀនពីវិធីសាមញ្ញសម្រាប់បម្លែងកិរិយាស័ព្ទទម្រង់វចនានុក្រម ទៅជាទម្រង់បច្ចុប្បន្នកាល។ តើអ្នកចាំបានទេ?
ឬសកិរិយាស័ព្ទដែលបញ្ចប់ដោយស្រៈ ㅗ [អូ] រឺ ㅏ [អា] ត្រូវបានបន្តដោយ 아요 [អាយ៉ូ] ។
ឬសកិរិយាស័ព្ទដែលបញ្ចប់ដោយស្រៈផ្សេងពី ㅗ រឺ ㅏ ត្រូវបានបន្តដោយ 어요 [អយ៉ូ]។
ឬសកិរិយាស័ព្ទ 하 ត្រូវបានបន្តដោយ 여요 [យ៉យ៉ូ]។
ឥឡូវនេះដល់ពេលដែលអ្នកត្រូវរៀនបម្លែងកិរិយាស័ព្ទទៅជាទម្រង់អតីតកាល។
បើអ្នកយល់ពីការផ្លាស់ប្តូរកិរិយាស័ព្ទទៅជាទម្រង់បច្ចុប្បន្នកាលហើយ ការផ្លាស់ប្តូរទៅជាទម្រង់អតីតកាលក៏ងាយស្រួលដូចគ្នាដែរ។ វិធីស្រដៀងគ្នាត្រូវបានប្រើ ក្នុងការបង្កើតប្រយោគទម្រង់អតីតកាល ហើយកន្ទុយកិរិយាស័ព្ទគឺ៖
았어요 [អា-ស-យ៉ូ]
었어요 [អ-ស-យ៉ូ]
였어요 [យ៉-ស-យ៉ូ]
អ្នកអាចបន្ថែមវាទៅនឹងឬសកិរិយាស័ព្ទ រឺអ្នកអាចគិតថាជំនួស "요" នៅខាងចុងប្រយោគបច្ចុប្បន្នកាល ជាមួយនឹង -ㅆ어요 [-ស-អ-យ៉ូ]
ឬសកិរិយាស័ព្ទបញ្ចប់ដោយស្រៈ ㅗ [អូ] រឺ ㅏ [អា] ត្រូវបានបន្តដោយ 았어요 [អា-ស-យ៉ូ]។
ឬសកិរិយាស័ព្ទបញ្ចប់ដោយស្រៈផ្សេងពី ㅗ រឺ ㅏ ត្រូវបានបន្តដោយ 었어요 [អ-ស-យ៉ូ]។
ឬសកិរិយាស័ព្ទ 하 ត្រូវបានបន្តដោយ 였어요 [យ៉-ស-យ៉ូ]។
សូមមើលមកឧទាហរណ៍មួយចំនួន៖
사다 [សាដា] = ទិញ
ឬសកិរិយាស័ព្ទ = 사 [សា]
* បំបាត់ពាក្យ 다 នៅខាងចុងហើយអ្នកនឹងបានឬសកិរិយាស័ព្ទ។
ទម្រង់អតីតកាល
= 사 + 았어요 [សា + អា-ស-យ៉ូ]
= 샀어요 [សា-ស-យ៉ូ]
= ខ្ញុំបានទិញ / អ្នកបានទិញ / នាងបានទិញ / គាត់បានទិញ / គេបានទិញ ៘
오다 [អូដា] = មក
ឬសកិរិយាស័ព្ទ= 오 [អូ]
ទម្រង់អតីតកាល
= 오 + 았어요 [អូ + អា-ស-យ៉ូ]
= 왔어요 [វ៉ា-ស-យ៉ូ]
= ខ្ញុំបានមក / អ្នកបានមក / គាត់បានមក / គេបានមក / នាងបានមក / យើងបានមក ៘
적다 [ចកដា] = កត់ត្រា
ឬសកិរិយាស័ព្ទ = 적 [ចក]
ទម្រង់កិរិយាស័ព្ទ
= 적 + 었어요 [ចក + អ-ស-យ៉ូ]
= 적었어요[ច-ក-ស-យ៉ូ]
= ខ្ញុំបានសរសេរ / អ្នកបានសរសេរ / គាត់បានសរសេរ / នាងបានសរសេរ / ពួកគេបានសរសេរ / យើងបានសរសេរ
하다 [ហាដា] = ធ្វើ
ឬសកិរិយាស័ព្ទ = 하 [ហា]
ទម្រង់បច្ចុប្បន្នកាល
= 하 + 였어요 [ហា + យ៉-ស-យ៉ូ]
= 했어요 [ហ៊ែស-ស-យ៉ូ]
= ខ្ញុំបានធ្វើ / អ្នកបានធ្វើ / គាត់បានធ្វើ / គេបានធ្វើ ៘
កិរិយាស័ព្ទគម្រូបន្ថែមទៀតក្នុងទម្រង់បច្ចុប្បន្នកាល និងអតីតកាល៖
១. 먹다 [ម៉កដា] (ឬសកិរិយាស័ព្ទ = 먹 [ម៉ក]) = ញ៉ាំ
ទម្រង់បច្ចុប្បន្នកាល៖ 먹어요 [ម៉-ក-យ៉ូ]
ទម្រង់អតីតកាល៖ 먹었어요 [ម៉-ក-ស-យ៉ូ]
២. 잡다 [ចាប់ដា] (ឬសកិរិយាស័ព្ទ = 잡 [ចាប់]) = ចាប់
ទម្រង់បច្ចុប្បន្នកាល៖ 잡아요 [ចា-បា-យ៉ូ]
ទម្រង់អតីតកាល៖ 잡았어요 [ចា-ប-ស-យ៉ូ]
៣. 팔다 [ផាល់ដា] (ឬសកិរិយាស័ព្ទ = 팔 [ផាល់]) = លក់
ទម្រង់បច្ចុប្បន្នកាល៖ 팔아요 [ផា-រ៉ា-យ៉ូ]
ទម្រង់អតីតកាល៖ 팔았어요 [ផា-រ៉ា-ស-យ៉ូ]
៤. 놀다 [ណុលដា] (ឬសកិរិយាស័ព្ទ = 놀 [ណុល]) = លេង
ទម្រង់បច្ចុប្បន្នកាល៖ 놀아요 [ណូ-រ៉ា-យ៉ូ]
ទម្រង់អតីតកាល៖ 놀았어요 [ណូ-រ៉ា-ស-យ៉ូ]
៥. 쓰다 [ស៊ឺដា] (ឬសកិរិយាស័ព្ទ = 쓰 [ស៊ឺ]) = សរសេរ, ប្រើប្រាស់
ទម្រង់បច្ចុប្បន្នកាល៖ 써요 [ស-យ៉ូ] (មិនមែន 쓰어요 ទេ)
ទម្រង់អតីតកាល៖ 썼어요 [ស-ស-យ៉ូ]
៦. 기다리다 [គីដារីដា] (ឬសកិរិយាស័ព្ទ = 기다리 [គីដារី]) = រង់ចាំ
ទម្រង់បច្ចុប្បន្នកាល៖ 기다려요 [គីដារ្យ៉យ៉ូ] (មិនមែន 기다리어요 ទេ)
ទម្រង់អតីតកាល៖ 기다렸어요 [គីដារ្យ៉-ស-យ៉ូ]
៧. 이상하다 [អ៊ីសាំងហាដា] (ឬសកិរិយាស័ព្ទ = 이상하 [អ៊ីសាំងហា]) = ចម្លែក
ទម្រង់បច្ចុប្បន្នកាល៖ 이상해요 [អ៊ីសាំងហេយ៉ូ] (មិនមែន 이상하여요 ទេ)
ទម្រង់អតីតកាល៖ 이상했어요 [អ៊ីសាំងហេ-ស-យ៉ូ]
១. 멋있다 [ម៉ស៊ីដា] (ឬសកិរិយាស័ព្ទ = 멋있 [ម៉ស៊ី]) = ឡូយ, អស្ចារ្យ
ទម្រង់បច្ចុប្បន្នកាល៖ 멋있어요 [ម៉ស៊ី-ស-យ៉ូ]
ទម្រង់អតីតកាល៖ 멋있었어요 [ម៉ស៊ី-ស-ស-យ៉ូ]
សូមចែករំលែកមេរៀនភាសាកូរ៉េ និងឯកសារ PDF ឥតគិតថ្លៃរបស់ TalkToMeInKorean ដោយសេរីដល់អ្នកដែលកំពុងរៀនភាសាកូរ៉េ។
ប្រសិនបើអ្នកមានសំណួរ រឺមតិរិះគន់បែបស្ថាបនា សូមចូលទៅគេហទំព័រ TalkToMeInKorean.com ។
គម្រោងការបកប្រែឯកសារ PDF នេះ ជាគម្រោងរួមគ្នារវាង TalkToMeInKorean.com និង KoreanWikiProject.com។
