Hangeul step 1/nah
|
|
| Ayuda · Chuleta · Portal de la Comunidad |
Contents
Tzintiliztli
Seokjin huan Kyoung-eun: Inic 4, 5, 6 tlamamatlameh
http://www.talktomeinkorean.com
Ximopanōltih. Xapontlahtōlli huan Chinatlahtōlli huan amoneuhqui, cequi imanpān momachtilo in Coreatlahcuiloliztli inelhuayotl. Zan ica itlahcuiloliz, huel mohueltlatenquixtiz in tlahtōlli, in Hangeul (한글). In Coreatlahtōlli quimpiya celcaquiztin amotlenic iuh Nāhuatlahtōlli, auh ipampa, ahuel moRomatlacuiloa. Tōtocqui zāzanilpān otiquitlanextiqueh chicuacēntlamamatlameh in nemachtiliztin itlacempohualiz auh inic aohuitic nelli iciuhcac mohueliti moCoreatlahtōlmachtiliztica otiquinchiuhqueh. Cah inin cēntlatequitiltiliztli intech "Korean Wiki Project" huan TalktomeinKorean.com. Otiquintēmotinemiqueh huel tozquime in tlein nahuatizqueh in Hangeul auh intlanel pachotinemiqueh tlalnequiliztica techpalehuizqueh inin tlatequitiltiliztli iteaacizca. Tiquintlazohcamatiliqueh ica inyolchicahualiz huan impalehuiliz.
Ohuitic celcaquizca tittztihuiqueh ticchihuazqueh inic chicōntlamamatlatl.
Ahueyac Nemilizcayotl
Tiquittaz cēnzāzanilli The Origin of Hangeul
Otlatzintilo in Hangeul tlahtocatipan in Hueyitlahtōani Sejong auh otlamilo 1444 xiuhnahuac. Ixquichca necahpan huan achi quintepan, ica zan oChinatlahcuilo in amoxtlahtoyotl zan intech amoxicuilo huan tepachoāni. In hueyitlahtōani Sejong oquinec Corea quipiyaz hueltetlacuilolli in ayohuitic quihuelmachtiz in aquin zazo, oc macehualtin. Inextitepan, in Hangeul, mohtoteuh, ayohuitic inic tlamatini huel tonalpan quimachtiz auh xolopitli huel yohualpan quimachtiz. Ipampa, cequitzin cahuitl ixpān Hangeul oquitlahuelnamiquiliqueh hueyitemachtianimeh, in ac oquimat zan teyacanani huelitiqueh celiqueh inin atleinemic teicneliliztli.
Miacpac omopātlac oyecauh in Hangeul. Xaponpehualpan omohueyitlapapatilisti, omopolo ye nenqui huehuetlacuilolli auh nelli omopātlac in tlahuahualonimeh.
Moihtoa in Hangeul ayohuic momachtilo ipampa tlacuiloltin neneuhqui moihtoa, inic ayohuitic momachtia innonotzaliztli auh zan ye no ihcuac inic ayohuitic moilanmictia.
Pehualiztli
Tozquinehnehuiliztli
Coreatlahtōlpān, oncah 14 cemani tozquinehnehuiliztin huan 5 ompa tozquinehnehuiliztin in mochihua ica cemani tozquinehnehuiliztin ㄱ, ㄷ, ㅂ, ㅅ, huan ㅈ .
| Cemani tozquinehnehuiliztin | 
|
| Ompa tozquinehnehuiliztin | 
|
Tozquiyōtl
Onca 8 cemani tozquiyōmeh huan 13 occe ohuiltin. Inin ohuitic tozquiyōmeh moihtoa omtozquiyōmeh, incentiliztli in aoc ome tozquiyōmeh.
Intlanel iuh nochipan zan iuhcah tzatzicentilpan xeliuhca moihtoa cecen tozquiyōtl, omcelticaqiztli itozquiyōhua amo xeliuhca moihtoa, cecen omtozquiyōmeh cecniquizcayotica moihtoa. Iuh tihuelittaz, achimochintin omtozquiyōtin ome cemani tozquiyōtin incentiliz.
Nochi tozquiyōmeh mochihua ica yemeh yuhcayotl in pantin. Inic ce pantli iuh ilhuicatl auh cah tliltetl, tel yancuic Coreatlahtolpan inin tliltetl zan tepitic pantli. Niman pantli yuhcayotl iuh in tlalli auh motecac (ㅡ). Satepan pantli iuh tlacah (ㅣ). Inin machiyomeh mocentilia Coreatlahtolli itozquiyōuh mochihua, intla timechmachiohuiqueh, | huan • mochihua ㅏ.
| Cemani tozquiyōmeh | 
|
| Ohuitic tozquiyōmeh | 
|
Centlacotl in Tzatzicentilli
Coreatlahtoltin mocuiloa opochtech yeccopa, ce tzatzicentilli iuh centlacotl. Centlacopan cecen tlacuilolli tzatzi. "사람" in tlahtol "Tlacatl", "Saram" Romatlacuiloa, mochihua ic ome tzatzicentilli. In tlacuilolli ㅅ + ㅏ quichihua centlacotl in tzatzicentilli 사 ("sa"), inoc ㄹ + ㅏ + ㅁ quichihua 람 ("ram"). Tlanicopa ixiptli teittitiz achineneuhqui tzatzitl in cecen Coreatlahcuilolli tlahtolpan. Iuh ixiptli, amo moCoreatlahcuiloa caxipan, inin zan ipampa teittitiz temachtiz.
Coreatzatzicentiltin mopantia centlacopan in tlein quipiya tozquinehnehuiliztli pehualpan, tozquiyōmeh nepantla, auh huelitic tozquinehnehuiliztli tlamipan. Tzatzicentilli centlacotl mochihua ic "nencan ome tlacuilolli", quipiya nencan ce tozquinehnehuiliztli huan ce tozquiyōtl. Tomachtilizpan, inic 2, 3 huan 4 tlamamatlapan oc tiquittazqueh zan motecac tlahtoltin in tlein quipiya ce tozquinehnehuiliztli huan ce tozquiyōtl, auh moquetzac tlahtoltin ic ce tozquinehnehuiliztli huan ce tozquiyōtl (tlanicopa xiquittaz). Inic 5 tlamamatlapan tlamiliztli itozquinehnehuiliztechpa timachtipehuazqueh auh inic 6 timechittitizqueh tzatzicentilli ica hueliti ompa tozquiyōhua.
No timatiz intla ticcuiloznequiz zan ce tozquiyōtl, motech monequi quicuiloz ic tozquinehnehuiliztli "ㅇ", ahmo tzatzi, zan quipantia centlacotl iuh tozquinehnehuiliztli. ¿Tlein ica? Intechpa Ying huan Yang xinenemili. Intla motlacuiloa in tozquiyōtl ㅏ, motech monequi motlacuiloa iuh 아 ic ㅇ. Ayohuitic ilnamiquiquen tinenemiliz ㅇ iuh amopohualli. Nican tlanicopa onca oc machiomeh.
| Pehualiztica tozquiyōtli | Cel tlahcuilolo |
|---|---|
| ㅏ | 아 |
| ㅐ | 애 |
| ㅓ | 어 |
| ㅔ | 에 |
| ㅗ | 오 |
| ㅜ | 우 |
| ㅡ | 으 |
| ㅣ | 이 |
Tlacuiloliztli
Iuh ye tihtohqueh, Coreatlahtoltin mocuiloa opochtech yeccopa huan atech tlanicopa centlacoteuh. Totocqui nemachtilizpan ticmatiz in quen titlahcuiloz cecen tlahcuilolli huan pantin itlacuiloliz melahuac itlaltecpanaliz. Intlanel pehualpan inin itlaltecpanaliz hueliti moneciz iuh amo ihuani, ihuani inic Coreatlahcuiloz zan ye iuhqui auh tepalehuiz huelitiz inin tlapohuaz. Tlahcuilolli iixquichi no iiuhcayotl hueliti amoneneuhhuiliz, hueliti hueyaz ahnozo motepitiz inic temitiz centlacotl auh inic neneuhqui ixquichhuia in tzatzicentilca.
Tlanicopa machiopan, tihuelitiz tiquittaz iixquichi huan iiuhcayotl in ㄱ mopatlaz ipampa temitiz ixiptlayotic centlacotl (in xiuhtic)
Niman tipehuazqueh timatizqueh cequintlahcuiloltin, moihtoa "jamo". Inic melahuac tiquittaz inin nemachtiliztin, motech monequi tlaliz Adobe Flash Player. Inin mitzhuelitiz caquiz mochintin amameh totocqui zazanilpan. Macamo xitequipachoti, quemelahua ye quipiya mochiuhpohualhuaztli.
|
